古早宜蘭火車站
古早宜蘭火車站  ( 請用台語唸)
火車起走店蘇澳，沿岸海水白波波;
蘇澳擱過是新城，一看攏是崩山坪。
新城擱過是冬山，流流港內出鱸鰻；
冬山擱過是羅東，大街小巷攏會通。
羅東擱過是二結，街邊一條濁水溪；
二結擱過是宜蘭，縣衙四邊攏是田。
宜蘭擱過四城莊，燒水出池田中央；
四城擱過礁溪崙，協天宮內采帝君。
礁溪擱過是頂埔，巴士般過鐵支路；
頂埔擱過是頭城，全省搶孤尚有名。
頭城擱過是外澳，車站小間人攏無；
外澳擱過是梗枋，莊內攏是討海人。
梗枋擱過是大溪，中間衙門有一個；
大溪擱過大里港，天公廟宇起山間。
大里擱過是石城，海風吹嘎滿山坪；
石城擱過遇碰坑，碰坑內面黑啷啷。
碰坑穿過台北縣，古事講嘎加的完；
石平圓主籃清賢，傳授觀光導覽班。 
祝您大家隴歡喜 , 萬事如意大賺錢
。 



 

.
arrow
arrow
    全站熱搜

    dydqjm 發表在 痞客邦 留言(0) 人氣()

    E-mail轉寄